بنوں (آئی این پی)بنوں میں تھانا منڈان کے گیٹ پرنامعلوم حملہ آور نے بارود سے بھری گاڑی ٹکرادی۔ دھماکے سے عمارت کو نقصان پہنچا اور دو اہلکار زخمی ہوگئے۔ پولیس کا کہنا ہے کہ جوابی کارروائی میں حملہ آور ماراگیا۔پولیس ذرائع کے مطابق تھانا منڈان کے دروازے سے نامعلوم خودکش حملہ آور نے بارود سے بھر ی سوزوکی وین پولیس اسٹیشن سے ٹکرادی۔ حملے میں پولیس اسٹیشن کی

عمارت کو جزوی طورپر نقصان پہنچا اور دو پولیس اہلکار زخمی بھی ہوئے جنہیں ہسپتال منتقل کردیاگیا ہے۔ڈی پی او فضل حمید کے مطابق پولیس کی فوری کارروائی میں حملہ آور ماراگیا، جس کی عمر تقریباً 20سال تھی اوردھماکے میں دوسو بیس کلو بارودی مواد استعمال کیاگیا۔ حملے کے بعد علاقے میں سر چ آپریشن شروع کردیاگیاہے۔