کراچی (آئی این پی) ایم کیو ایم پاکستان نے بانی کارکن سلیم شہزاد کی وطن واپسی پر گرفتار ی پر شدید ردعمل کا اظہار کرتے ہوئے انہیں فوری طور پر رہا کرنے مطالبہ کیا ہے۔ایم کیو ایم پاکستان کی جانب سے جاری کئے گئے بیان کے مطابق سلیم شہزاد سیاسی کارکن ہیں
ایم کیو ایم پاکستان نے کہاہے کہ اگر کسی کیس میں وہ قانون نافذ کرنے والے اداروں کو مطلوب ہیں تو انہیں اپنی صفائی کا پورا موقع ملنا چاہئے ایم کیو ایم پاکستان کا کہنا تھا کہ ان پر جھوٹے مقدمات قائم کئے گئے ہیں جنہیں فوری ختم کرتے ہوئے انہیں رہا کیا جائے۔واضح رہے کہ بائیس اگست واقعے کے بعد سلیم شہزاد نے ایم کیو ایم پاکستان کا ساتھ دینے کا فیصلہ کیا تھا اور اس کو عمل جامہ پہنانے کے لئے وہ خود ساختہ جلاوطنی ختم کرکے دبئی سے کراچی پہنچے تھے جہاں ایس ایس پی ملیر راؤ انوار نے انہیں دہشت گردوں کے علاج معالجے میں سہولت فراہم کرنے کے الزام میں احاطہ ایئرپورٹ سے گرفتار کرلیا تھا۔
