اسلام آباد(مانیٹرنگ ڈیسک) وزارت داخلہ نے ایان علی کا نام ایگزیٹ کنٹرول سے نکالنے سے متعلق فیصلہ سپریم کورٹ میں چیلنج کر دیا۔ وزارت داخلہ کی جانب سے سپریم کورٹ میں جمع کرائی گئی درخواست میں موقف اختیار کیا گیا کہ ایان علی کا معاملہ سپریم کورٹ میں زیر سماعت ہے

اس لئے سندھ ہائیکورٹ سماعت نہیں کر سکتی۔یہ معاملہ سندھ ہائیکورٹ کے دائرہ کار سے باہر تھا اور اس کا فیصلہ انصاف کے تقاضوں کے منافی ہے لہٰذا اسے کالعدم قرار دیا جائے۔درخواست میں کہا گیا ہے کہ پنجاب ہوم ڈیپارٹمنٹ کی استدعا پر نام ای سی ایل میں شامل کیا گیا۔ سندھ ہائی کورٹ نے میرٹ پر فیصلہ دیا لیکن درخواستوں کے قابل سماعت ہونے کا جائزہ نہیں لیا۔