مظفرآباد ( آن لائن) وزیر اعظم پاکستان میاں نواز شریف کے ترجمان آصف کرمانی کے بیانات کے بعد آزادکشمیر میں جماعت اسلامی نے لنگوٹے کس لئے ۔حکومت آزادکشمیر کے خلاف منصوبہ بندی کی تیاریاں، آئندہ ہفتے لائحہ عمل کا اعلان کر دیا جائیگا۔ ذرائع نے بتایا کہ وزیر اعظم نواز شریف کے ترجمان آصف کرمانی نے گزشتہ روز جماعت اسلامی کو تنقید کا نشانہ بناتے ہوئے خطاب کے دوران

جماعت اسلامی آزادکشمیر کو دو نشستیں دینے پرشدید تنقید کرتے ہوئے کہا کہ دو نشستیں جماعت اسلامی کو بھیک کے طور پر دی ہیں جبکہ معتبر زرائع کے مطابق جماعت اسلامی پاکستان کی قیادت کی جانب سے آزادکشمیر میں ملنے والی دو نشستوں کو واپس کرنے کا امکان بھی ظاہر کیا جارہا ہے جس کے بعد آزادکشمیر میں مسلم لیگ (ن) کی دو نشستوں پر استعفیٰ دینے کا امکان 100فیصد روشن ہوگیا آئندہ ہفتے آزادکشمیر میں اہم فیصلے متوقع ہونگے ۔

موضوعات:آزاد کشمیر جماعت اسلامی