اسلام آباد (این این آئی)پی ٹی آئی کے اہم رکن اسمبلی کو پارلیمنٹ ہائو س میں داخل ہونے سے روک دیا گیا ,بڑی وجہ سامنے آگئی ،پی ٹی آئی کے رکن قومی اسمبلی شہریار آفریدی کو الیکشن کمیشن میں سالانہ ٹیکس گوشوارے جمع نہ کرانے پر پارلیمنٹ ہاؤس میں داخل ہونے سے روک دیا گیا۔
جمعہ کو شہریار آفریدی قومی اسمبلی کے اجلاس میں شرکت کرنے کیلئے جب پارلیمنٹ ہاؤس کے گیٹ نمبر ایک پرپہنچے تو اسمبلی کے سیکیورٹی پر مامور عملے نے شہریار آفریدی کو پارلیمنٹ ہاؤس میں داخل ہونے سے روک دیا اور کہا کہ آپ نے الیکشن کمیشن میں سالانہ ٹیکس گوشوارے جمع نہیں کرائے جس پر رکن قومی اسمبلی شہریار آفریدی واپس چلے گئے۔
