اسلام آباد(آئی این پی)وفاقی وزیر داخلہ چوہدری نثار علی خان نے قومی اسمبلی میں پی ٹی آئی ارکان کی جانب سے وفاقی وزیر پٹرولیم شاہد خاقان عباسی پر حملے کی سخت الفاظ میںمذمت کرتے ہوئے کہا ہے کہ جن کے پاس دلائل نہیں ہوتے وہ ایسی قابل مذمت حرکت میں ملوث ہوتے ہیں،پی ٹی آئی ارکان نے نیشنل اسمبلی کے تقدس کو پامال کرتے ہوئے غلط روش قائم کی ہے۔
جمعرات کو اپنے ایک بیان میں وفاقی وزیر داخلہ چوہدری نثار علی خان کی نیشنل اسمبلی میں پی ٹی آئی ارکان کی جانب سے شاہد خاقان عباسی پر حملے کی مذمت کرتے ہوئے کہا کہ پی ٹی آئی کے اراکین کی جانب سے ایسا طرز عمل تمام جمہوری اور پارلیمانی اصولوں کے منافی ہے ،پی ٹی آئی ارکان نے نیشنل اسمبلی کے تقدس کو پامال کرتے ہوئے غلط روش قائم کی ہے۔ ایسا فعل اس ٹہنی کو کاٹنے کے مترادف ہے جس پر وہ بیٹھے ہیں ۔
