کوئٹہ (ملانیٹرنگ ڈیسک) کوئٹہ میں شقی القلب بیٹے نے ساری حدی پار کر دیں ۔ قرآن پاک پڑھتی والدہ پر اندھا دھند فائرنگ کر دی۔نجی ٹی وی چینل دنیا نیوز کی رپورٹ کے مطابق کوئٹہ کے پشتون آباد میں بیٹے نے فائرنگ کرکے ماں کو قتل کردیا جس پر پولیس نے کارروائی کرتے ہوئے بیٹے کو گرفتار کر لیا ۔ پولیس کے مطابق پشتون آباد کے علاقے بلوچ خان چوک کے رہائشی نوجوان نے گھریلو رنجش کی بناء پر
اپنی 55 سالہ والدہ بی بی سوز پر اس وقت پسٹل سے فائرنگ کردی جب وہ قرآن مجید کی تلاوت کر رہی تھی ۔ فائرنگ سے خاتون موقع پر ہی دم توڑ گئی جس کی لاش پوسٹ مارٹم کے لئے سول ہسپتال منقتل کر دی گئی ۔ ڈاکٹرز کے مطابق خاتون کی موت بدن میں 2 گولیاں لگنے سے ہوئی ہے ، ضروری کارروائی کے بعد لاش ورثاء کے حوالے کر دی گئی جبکہ پشتون آباد پولیس تھانے کے عملے نے ملزم شراف الدین کو گرفتارکرکے تفتیش شروع کردی ہے ۔
