اسلام آباد (این این آئی) وزیر دفاع خواجہ محمد آصف نے عمران خان کو چیلنج کرتے ہوئے کہا ہے کہ ہم سے حساب مانگنے والو ٗ اپنا تو حساب دو ٗمسقط اور فرانس میں کی گئی سرمایہ کاری میں زکوٰاۃاور خیرات کا کتنا پیسہ لگایا۔ میڈیا پر گفتگو کرتے ہوئے انہوں نے کہا کہ عمران خان نے کل الزام عائد کیا تھا ٗآئی پی پیز کو ادائیگی الیکشن میں فنڈنگ کے بدلے کی گئی ٗآئی پی پیز کو 480ارب ادائیگی کا حساب ابھی دوں گا ٗ 480 ارب روپے کی ادائیگیوں پر ایک ایک پیسے کا حساب ہے۔وزیر ریلوے خواجہ سعد رفیق نے کہا کہ ہم نے بار بار کہا ہے کہ کیس سیاسی بنیادوں پر لڑا جا رہا ہے نہ دستاویزات دی ہیں نہ باقاعدہ وکلاء ہیں ٗ جو فیصلہ آئیگااس میں ابہام نہیں ہوگا۔انہوں نے کہا کہ انکی سیاست فارغ ہو چکی ہے اپنی جماعت کو کامیڈی کمپنی میں تبدیل کرلیں۔