اسلام آباد(مانیٹرنگ ڈیسک)عوامی مسلم لیگ کے سربراہ شیخ رشید احمدنے کہاہے کہ میں ملک وقوم کےلئے ہروقت قربانی دینے کےلئے تیارہوں ۔شیخ رشید نے میڈیاسے گفتگوکرتے ہوئے کہاکہ میری پانچ مرلے کی لال حویلی سے لندن میں فیلٹس کے مالک خوفزدہ ہیں اورمجھے کچھ لوگ دھمکیاں دے رہے ہیں ۔انہوں نے کہاکہ میں کسی سے ڈ رنے والانہیں اوراپناتابوت ہروقت اٹھاکرپھرتاہوں
۔انہوں نے کہاکہ ن لیگی رہنماراناثنااللہ اورسعدرفیق مجھے سرعام دھمکیاں دے کرخوف زدہ کرنے کی کوشش کررہے ہیں لیکن میں کبھی ایسے لوگوں سے ڈرتانہیں ہوں ۔شیخ رشید نے مزید کہاکہ لال حویلی میری ملکیت ہے اگرحکومت اس کوخالی کراناچاہتی ہے توخالی کرالے پھرمیں ان سے وزیراعظم ہائوس خالی کرائوں گا۔واضح رہے کہ متروکہ وقف املاک بورڈنے شیخ رشید کولال حویلی خالی کرنے کےلئے نوٹس جاری کررکھے ہیں ۔
