لاہور (مانیٹرنگ ڈیسک) زندگی فانی ہے ۔ جو آیا ہے اس نے جانا بھی ہے ۔ ہمارا آخری گھر اندھیری قبر ہی ہے مگر کیا کیجئے کہ اب حضرت انسان کی آخری آرام گاہ بھی محفوظ نہیں رہی ۔  دنیا نیوز کی رپورٹ کے مطابق میانی صاحب قبرستان میں دل دہلا دینے والا واقعہ پیش آیا ہے جہاں نومولود بچی کی لاش قبر سے نکال کر غائب کر دی گئی۔

پولیس میانی صاحب قبرستان پہنچی تو دیکھا کہ قبر کھلی پڑی تھی اور کفن باہر تھا۔ بچی کے والد علی حسن نے بتایا کہ بچی دو روز قبل پیدا ہوئی تاہم جانبر نہ ہو سکی، فاتحہ خوانی کیلئے آئے تو لاش غائب تھی۔ پولیس کے مطابق واقعہ کی مکمل چھان بین کی جا رہی ہے۔ پولیس نے حسین اور رمضان نامی دو گورکنوں کو حراست میں لے کر تحقیقات کا آغاز کر دیا ہے۔

موضوعات:قبر لاہور مردہ چوری