پنجگور (مانیٹرنگ ڈیسک) بلوچستان کے علاقے پنجگور میں دہشتگردو ں نے سکیورٹی فورسز پر حملہ کردیا گیا۔ فائرنگ کے نتیجے میں 8 سیکیورٹی اہلکاروں سمیت 9 افراد زخمی ہوگئے۔ایک نجی ٹی وی کے مطابق سکیورٹی فورسزکی ایک ٹیم پنجگور کے علاقے گچک میں سرچ آپریشن کے بعد واپس جارہی تھی کہ پہاڑوں پر موجود دہشت گردوں نے حملہ کردیا،
فائرنگ کے نتیجے میں 8 سکیورٹی اہلکاروں سمیت 9 افراد زخمی ہوگئے۔ادھرسکیورٹی ذرائع کا کہنا ہے کہ جوابی کارروائی میں حملہ آور فرار ہوگئے، زخمی اہلکاروں کو قریبی ہسپتال منتقل کردیا گیا۔وزیراعلی بلوچستان سردارثنااللہ زہری نے واقعے پرافسوس کااظہاکرتے ہوئے دہشتگردوں کی فوری گرفتاری کے احکامات جاری کردیئے ہیں ۔
