ملتان(آئی این پی)سینئرسیاستدان مخدوم جاوید ہاشمی منگل کو ملتان میٹروبس منصوبے کی افتتاحی تقریب میں شریک ہوں گے۔باخبرذرائع کے مطابق اس موقع پران کی وزیراعظم میاں نوازشریف سے بھی ملاقات کا بھی امکان ہے،تاہم افتتاحی تقریب کے موقع پر ان کی طرف سے مسلم لیگ(ن)میں شمولیت کے اعلان کا تاحال کوئی فیصلہ نہیں کیا گیا ہے۔
جاوید ہاشمی کے پرسنل سیکرٹری محمداجمل نے آئی این پی کو بتایا کہ انہیں میٹرو بس منصوبے افتتاحی تقریب کا دعوتی کارڈ موصول ہوگیا ہے ۔تاہم تقریب میں شرکت کا فیصلہ جاوید ہاشمی کریں گے۔ واضح رہے کہ گزشتہ چند مہینوں سے خبریں گردش کررہی ہیں کہ جاوید ہاشمی ملتان میٹروبس منصوبے کے افتتاح کے موقع پرمسلم لیگ(ن)میں دوبارہ شمولیت کا اعلان کریں گے۔
