راولپنڈی(آئی این پی)آرمی چیف جنرل قمر جاوید باجوہ سے سعودی سفیر نے ملاقات کی،ملاقات میں دفاعی وتربیتی امور میں تعاون پر تبادلہ خیال کیا گیا۔جمعہ کو پاک فوج کے شعبہ تعلقات عامہ (آئی ایس پی آر)کے مطابق آرمی چیف جنرل قمر جاوید باجوہ سے سعودی عرب کے سفیر عبداللہ مرزوق نے ملاقات کی۔ملاقات جنرل ہیڈکوارٹر راولپنڈی میں ہوئی۔ملاقات میں دفاعی و تربیتی امور میں تعاون پر بات چیت کی گئی۔
اس موقع پر آرمی چیف جنرل قمر جاوید باجوہ نے کہا کہ پاکستان کو سعودی عرب کا دفاع بہت مقدم ہےاورہم دفاعی و تربیتی امور میں سعودی عرب کے ساتھ تعاون کرتے ہوئے مل کر کام کریں گے۔ڈی جی آئی ایس پی آر میجر جنرل آصف غفور کے مطابق سعودی سفیر عبداللہ مرزوق نے جی ایچ کیو راولپنڈی میں آرمی چیف سے ملاقات کی جس دوران ممالک کے درمیان مختلف معاملات پر تعاون کے حوالے سے بات چیت کی گئی۔ ملاقات میں باہمی دلچسپی، دفاعی اور تربیتی تعاون پر تبادلہ خیال ہوا اور دفاع میں تعاون بڑھانے کے امور بھی زیر بحث آئے۔ڈی جی آئی ایس پی آرمیجر جنرل آصف غفور کے مطابق آرمی چیف جنرل قمر جاوید باجوہ کا کہنا تھا کہ پاک آرمی سعودی عرب کے دفاع کو اپنی ذمہ داری سمجھتی ہے۔
