اسلام آباد(آن لائن)پاکستان تحریک انصاف کے ترجمان نعیم الحق نے کہا ہے کہ بی بی سی نے پوری حکومتی دھوکہ بازی کا پول کھول دیا ہے،وزیر اطلاعات فوری طور پر استعفیٰ دیں اور منصب سے الگ ہوں ۔ مرکزی میڈیا ڈیپارٹمنٹ سے جاری بیان کے مطابق نعیم الحق نے کہا کہ نون لیگ نے اداروں کو تباھی کے دھانے پر پہنچا دیا ہے۔وزیر اعظم کو احتساب سے بچانے کی خاطر صبح و شام جھوٹا پراپیگنڈہ کیا جاتا ہے۔ وزارت اطلاعات کا واحد مقصد قوم کو گمراہ کرنا رہ گیا ہے۔ نعیم الحق کا کہناتھا کہ ضمیر خریدنے اور عوام کو گمراہ کرنے پر اربوں خرچ کئے جا رہے ہیں۔

موضوعات:تحریک انصاف