اسلام آباد(مانیٹرنگ ڈیسک) معروف عالم دین علامہ خادم حسین رضوی نے ایک محفل سے خطاب کرتے ہوئے کہا کہ مجھے ایک بار ڈاکٹر عافیہ صدیقی کی بہن فوزیہ صدیقی نے فون کیا۔ انہوں نے مجھے کہا کہ آپ اتنی بڑی اسلامی کانفرنس کروا رہے ہیں اس میں میری بہن ڈاکٹر عافیہ صدیقی کا نام ضرور لینا۔ عافیہ صدیقی کو امریکی قید میں 13 سال ہو گئے ہیں۔ اس کا نام اس کانفرنس میں ضرور لینا۔
علامہ خادم حسین رضوی نے کہا کہ مجھے ڈاکٹر فوزیہ صدیقی کہنے لگیں کہ جب میری بہن عافیہ صدیقی امریکی قید میں بہت تنگ ہو گئیں تو آپ ﷺ عافیہ صدیقی کے خواب میں آئے ۔
ڈاکٹر فوزیہ صدیقی نے کہا کہ عافیہ صدیقی نے مجھے خود بتایا کہ رسول ﷺ میرے خواب میں آئے ہیں۔ جب عافیہ صدیقی نے خواب میں آپ ﷺ کو دیکھاتو عافیہ نے پوچھا کہ حضور ﷺ میرا امتحان کب ختم ہونا ہے۔ سوال پر حضور اکرم ﷺ آبدیدہ ہو گئے اور فرمایا کہ عافیہ یہ تیرا امتحان نہیں ، یہ میری امت کا امتحان ہے۔ کہ میری امت نے تجھے کب چھڑوانا ہے۔
