اسلام آباد (این این آئی)پاکستان تحریک انصاف کے سربراہ عمران خان خیبر پختون خوا میں صوبائی حکومت کی کرپشن کے بارے میں کئے گئے سوال کا جواب دینے کی بجائے دوسرے صحافی کی طرف متوجہ ہوگئے۔بدھ کو سپریم کورٹ کے باہر میڈیا سے بات چیت کے دور ان ایک صحافی نے تحریک انصاف کے سربراہ
عمران خان سے سوال کیا کہ خیبر پختون خوا میں وزیر اعلیٰ پرویز خٹک کے بارے میں آپ کے ارکان اسمبلی کرپشن کے الزامات لگا رہے ہیں لیکن آپ کی طرف سے کوئی رد عمل سامنے نہیں آیا جس پر عمران خان نے سوال کا جواب دینے کی بجائے اپنا رخ دوسرے صحافی کی طرف کر لیا اور دوسرا سوال سننے میں متوجہ ہوگئے۔
