اسلام آباد(مانیٹرنگ ڈیسک ) وزیراعظم پاکستان نوازشریف اور سابق آرمی چیف راحیل شریف پیر سے سوئٹزر لینڈ کے سیاحتی مقام ڈیووس میں ورلڈ اکنامک فورم کے سلسلے میں موجود ہیں اور مزید تین روز وہیں قیام کریں گے تاہم حیران کن بات یہ ہے کہ دونوں رہنماؤں میں باضابطہ کوئی ملاقات نہیں ہوئی اور نہ ہی اس کا امکان ہے۔
نجی اخبار نے ڈیووس میں موجود ذرائع کے حوالے سے بتایاکہ وزیراعظم اپنے سخت شیڈول کی وجہ سے مصروف ہیں ، وہ آج تاجررہنماؤں سے خطاب کریں گے جبکہ جمعرات کو بل گیٹس سے ملاقات شیڈول ہے۔ وزیراعظم کے مشیر طارق فاطمی نے بھی کسی باضابطہ ملاقات کے بارے میں لاعلمی کا اظہار کیا ہے۔