اسلام آباد(آئی این پی )تحریک انصاف کے سربراہ عمران خان نے آئینی حقوق کی ملک گیر مہم کی منظوری دے دی ۔ سینئر رہنما عندلیب عباس مہم کی انچارج ہونگی۔ہفتے کو پی ٹی آئی کی جانب سے جاری اعلامیے کے مطابق تحریک انصاف کی جانب سے آئینی حقوق کی یہ مہم پاکستان کیساتھ ساتھ دنیا کے اہم ممالک میں بھی شروع کرنے کا فیصلہ کیا گیا ہے۔ سینئر رہنما عندلیب عباس اور انکی ٹیم کو ذمہ داریاں سونپ دی گئی ہیں۔
اس مہم کا عنوان “حق کی بات سب کے ساتھ” تجویز کیا گیا ہے۔اس سلسلے میں میڈیا اور سماجی میڈیا پر ریلیز کیلئے پہلی دستاویزی فلم بھی تیار کر لی گئی ہے۔ مہم میں آئینی حقوق پر ملک گیر سطح پر آگہی اورعوام میں بنیادی جمہوری و آئینی حقوق کے بارے میں شعور بیدار کیا جائے گا ۔ اسی مہم کے ذریعے حکومت کے غیر آئینی اور غیر جمہوری اقدامات کو بھی بے نقاب کیا جائے گا ۔
