لاہور(آن لائن)غنویٰ بھٹو نے آصف زرداری کی نیندیں حرام کر دیں۔ پیپلز پارٹی شہید بھٹو گروپ کی چیئرپرسن غنویٰ بھٹو نے آصف اور بلاول بھٹو زرداری کے مقابلے میں امیدوار کھڑے کرنے کا اعلان کرتے ہوئے کہا ہے کہ اسٹیبلشمنٹ کو ابھی سے پتہ ہے کہ 2018ءکے انتخابات میں کون جیتے گا۔ لاہور میں سوشلزم ہماری معیشت کے عنوان سے خطاب اور میڈیا سے گفتگو کرتے ہوئے غنویٰ بھٹو نے کہا کہ صرف پاناما لیکس ہی نہیں بلکہ ہرسیاستدان کے بیرون ممالک بینک اکاؤنٹس موجو دہیں تاہم سوشلزم جمہوریت اور عوامی حقوق کیمحافظ ہے اور اسی میں ملکی مسائل کا حل پنہا ہے۔’غنویٰ بھٹو نےمزید کہاکہ” سندھ میں جیتنے والی جماعت کو عوام نہیں بلکہ سرمایہ دار اقتدار میں لاتے ہیں“۔جمہوریت کے نام پر اقتدار کا کھیل کھیلا جاتا ہے ۔ انہوں نے انکشاف کیا کہ اسٹیبلشمنٹ کو ابھی سے پتہ ہے کہ 2018ءکے انتخابات میں کون کامیاب ہو گا ۔” 20 سال سے پیپلز پارٹی کامقابلہ کررہی ہیں اور کرتی رہوں گی “۔ یاد رہے لاڑکانہ میں بلاول بھٹو زرداری اور نوابشاہ سے سابق صدر آصف علی زرداری نے انتخابات لڑنے کا اعلان کر رکھا ہے ۔

موضوعات:آصف زرداری غنویٰ بھٹو