پولیس نے انکوائری شروع کر دی، سارے معاملات کے پیچھے جو ہاتھ ملوث ہیں ان کا علم ہے، زبیرگل
لندن (آئی این پی )مسلم لیگ برطانیہ کے صدر اور وفاقی کمشنر فار اورسیز پاکستانی زبیر گل پر لندن میں ان کی رہائش گاہ پر دو افراد نے عورت کی مدد سے قاتلانہ حملہ کیاجس کے نتیجے میں وہ زخمی ہوگئے۔ مسلم لیگ ن یوکے کے صدر اور فیڈرل کمشنر فار اوور سیز پاکستانیز زبیر گل کے گھر پر نا معلوم افراد نے حملہ کر دیا۔ جس کے نتیجے میں زبیر گل شدید زخمی ہو گئے۔
انہیں ہسپتال منتقل کر دیا گیا ہے۔سی سی ٹی وی فوٹیج میں دیکھا جا سکتا ہے کہ ایک سکارف پہنے عورت نے دروازے پر دستک دی۔ زبیر گل نے دروازہ کھولا تو اسی اثنا میں دروازے کی اوٹ میں چھپے دو نوجوانوں نے گھر کے اندر گھس کر ان پر حملہ کر دیا اور مار پیٹ شروع کر دی۔ زبیر گل کا کہنا ہے کہ سی سی ٹی وی فوٹیج کے ذریعے پولیس نے انکوائری کا عمل شروع کر دیا ہے۔ سارے معاملات کے پیچھے جو ہاتھ ملوث ہیں ان کا علم ہے، وقت آنے پر بتاؤں گا۔