اسلام آباد (مانیٹرنگ ڈیسک) الیکشن 2018جوں جوں نزدیک آرہے ہیں ویسے ویسے ملکی سیاسی حالات کشیدہ سیکشیدہ تر ہوتے جا رہے ہیں۔سیاسی دھڑوں میں کچھ اس طرح ہلچل ہے کہ ایک ہی پارٹی کے لوگ اپنے ہی لوگوں کے خلاف جاکر نئی گروپ بازی کر رہے ہیں۔ اب ایک نجی اخبار روزنامہ خبریں کے مطابق پی پی کی جانب سے وفاقی وزیر داخلہ کو زچ کرنے کے لیے سپر ماڈل ایان علی کو سینیٹر بنانے کا مشورہ دیا گیاہے۔ تفصیلات کے مطابق یہ مشورہ ن لیگ کے ہی ایک گروپ کی جانب سے دیا گیاہے جو جاوید ہاشمی کی ن لیگ میں واپسی کے خلاف ہے اور اس کا مقصد محض چوہدری نثار کو زچ کرنا ہے۔
روزنامہ خبریں کے مطابق یہ انکشاف سینئر تجزیہ کار نے نجی ٹی وی پروگرام میں گفتگو کے دوران کئے۔ انہوں نے مزید کہا کہ اس وقت جاوید ہاشمی کا عدالتوں کو بیچ میں لانا سمجھ سے باہر ہے۔ پانامہ کیس نااہلی کی تلوار بن کر حکمران خاندان کے سروں پر لٹک رہا ہے۔ مزید انکشاف یہ ہوا کہ ایک بڑی سیاسی جماعت کے اجلاس میں بعض رہنماؤں نے مشورہ دیا کہ چودھری نثار کو زچ کرنے کیلئے ایان علی کو سینیٹر بنوادیا جائے۔

موضوعات:ایان علی چوہدری نثار