لاہور(آئی این پی) ماہر علم نجوم کنعان چوہدری نے پیشگوئی کرتے ہوئے کہا ہے کہ نئے سال میں شیخ رشید احمد شادی سے محروم رہیں گے جبکہ عمران خان کو نہ صرف سیاسی عروج حاصل ہوگا بلکہ وہ 2017 میں شادیوں کی ہیٹ ٹرک بھی کرلیں گے۔میڈیا سے گفتگو میں کنعان چوہدری کا کہنا تھا کہ 2017 میں سابق صدر آصف علی زرداری کیلئے کوئی اچھی خبر نہیں ہے کیونکہ ان کا برا وقت چل رہا ہے اس لیے وہ پاکستان میں زیادہ دیر رک نہیں سکیں گے اور انہیں ایک بار پھر ملک سے باہر جانا پڑے گا۔انہوں نے کہا کہ 2017عمران خان کے عروج کا سال ہے اور یہ سال ان کی خوش قسمتی کا ہوگا جس میں پی ٹی آئی کو عوامی حمایت ملے گی۔ نئے سال میں عمران خان شادی کی ہیٹ ٹرک کرتے بھی نظر آ رہے ہیں تاہم شیخ رشید اس سال بھی شادی نہیں کر پائیں گے۔