لاہور(نیوزڈیسک)وزیراعلیٰ پنجاب محمد شہبازشریف کا پینے کے صاف پانی پروگرام میں غفلت ،نااہلی اوربے ضابطگیوں کی شکایات پر سخت ایکشن۔تفصیلات کے مطابق وزیراعلیٰ نے پنجاب صاف پانی کمپنی کے چیف ایگزیکٹو آفیسر وسیم اجمل اور اعلی افسر کرنل(ر)مقبول کوملازمت سے برخاست اورچیف پروکیورمنٹ آفیسر شبنم کومعطل کردیاہے جبکہ پینے کے صاف پانی پروگرام میں غفلت،بے ضابطگیوں اور دیگر امور کاجائزہ لینے کیلئے انکوائری کمیٹی تشکیل ایک کمیٹی تشکیل دے دی ہے جس کے چیرمین وزیراعلی معائنہ انکوائری کمیٹی کے سربراہ ہونگے جبکہ اس کمیٹی میں ایڈووکیٹ جنرل پنجاب ،سینئرافسر احد چیمہ اوردیگراعلی حکام شامل ہوں گےاورکمیٹی آئندہ چند روز میں اس ضمن میں تحقیقات کر کے اپنی حتمی رپورٹ وزیراعلیٰ کو پیش کرے گی۔
وزیراعلی نے پروگرام میں مالی بے ضابطگیوں کی تحقیقات کا معاملہ اینٹی کرپشن کے حوالے کردیاگیا ۔اس موقع پروزیراعلی شہبازشریف نے کہاکہ پینے کے صاف پانی پروگرام کے امور میں مجرمانہ غفلت کا مظاہرہ کیاگیاہے ۔انہوں نے کہاکہ ذمہ داروں نے حکومت پنجاب اورصوبے کے عوام کا قیمتی وقت ضائع کیاہے۔شہبازشریف نے کہاکہصوبے کے عوام کے خون پسینے کی کمائی کونااہلی ،کوتاہی اوربے ضابطگیوں کی بھینٹ چڑھایا گیا ہے ۔
انہوں نے کہاکہ جس بے دردی سے وسائل ضائع کیے گئے ہیں وہ ناقابل معافی ہے۔وزیراعلی نے کہاکہ جن افسروں نے غفلت،نااہلی اوربے ضابطگیوں کا مظاہرہ کیا ہے انہیں عہدے پر رہنے کا حق نہیں ۔شہبازشریف نے کہاکہ میں اللہ تعالیٰ کے ساتھ صوبے کے عوام کو بھی جوابدہ ہوںاورجن کی وجہ سے مفاد عامہ کا یہ بڑا منصوبہ تاخیر کا شکار ہوا ہے انہیں حساب دینا ہو گا۔
