کراچی (مانیڑنگ ڈیسک)پیپلزپارٹی کے چیئرمین بلاول بھٹو زرداری نےکہا ہے کہ فاطمہ بھٹواورذوالفقارجونیئرکسی طورپرہم سے الگ نہیں ہیں ۔مزارقائد پرحاضری کے بعد بلاول بھٹوزرداری نے میڈیاسے گفتگوکرتے ہوئے کہاکہ دونوں ہمارے خاندان کاحصہ ہیں اورہمارے دل کے دروازے ان کےلئے ہمیشہ کھلے رہیں گے ۔
بلاول بھٹو زرداری نے کہاکہ”آصف علی زرداری 27دسمبر کو کیا سرپرائز دیں گے اس کیلئے انتظار کرنا ہو گا “۔
صحافیوں کی طرف سے فاطمہ بھٹواورذوالفقارجونیئرکے بارے میں پوچھے گئے سوال پرانہوں نے کہاکہ فاطمہ بھٹو اور ذوالفقار جونیئر میرے خاندان کا حصہ ہیں، تاہم کافی عرصے سے ان کے ساتھ رابطہ نہیں ہوا، ہمارے دل کے دروازے ہمیشہ ان کے لیے کھلے ہیں۔
