دبئی( این این آئی)پاکستان پیپلز پارٹی کے چیئر مین بلاول بھٹو نے سابق صدر آصف علی زرداری کی وطن واپسی کے موقع پر ان کے ساتھ دبئی ائیر پورٹ پر سیلفی لی ۔بلاول بھٹو نے سیلفی لے کر مائیکرو بلاگنگ ویب سائٹ ٹوئٹر پر اپ لوڈ کی جس میں باپ بیٹا خوشگوار موڈ میں دکھائی دے رہے ہیں ۔اس سے قبل بلاول بھٹو نے آصف علی زرداری کی گھر سے نکلنے کی تصویر بھی اپ لوڈ کی تھی جس میں آصف علی زرداری قرآن کے سائے میں گھر سے نکل رہے ہیں ۔‎اس تصویر کو اب تک ہزاروں لوگوں نے شیئر بھی کر چکے ہیں ۔
جبکہ اس سے قبل سابق صدر آصف علی زرداری نے کہا ہے کہ پیپلز پارٹی کا ایجنڈہ صرف عوام کے لئے سیاست کرنا ہے ملکی مفادات پر کوئی مفاہمت نہیں ہوگی، وطن واپسی کے بعد بھرپور سیاست کروں گا۔ تفصیلات کے مطابق جمعہ کے روز سابق صدر آصف علی زرداری نے وطن واپسی سے قبل دبئی میں پارٹی رہنماؤں سے مشاورت کی ۔
اس دوران آصف علی زرداری نے کہا کہ پیپلز پارٹی کا ایجنڈہ صرف عوام کے لئے سیاست کرنا ہے ملکی مفادات پر کوئی مفاہمت نہیں ہوگی ہم صرف وطن او رعوام کیلئے سیاست کرینگے انہوں نے کہا کہ وطن واپسی کیلئے انتہائی پرجوش ہوں میر ے حوصلے بلند ہیں اور وطن واپس جا کر بھرپور سیاست کروں گا انہوں نے اپنے دوستوں سے اپیل کی ہے کہ وہ میرے لئے دعا کریں تاکہ میں وطن واپس جا کر عوام کی خدمت کرسکوں ۔