دبئی ( این این آئی)’’خدا جب دیتا ہے چھپڑ پھاڑ کر دیتا ہے ‘‘شارجہ میں مقیم پاکستانی راتوں رات کتنا امیر ہو گیا ؟ متحدہ عرب امارات کے شہر شارجہ میں مقیم پاکستانی بیٹھے بٹھائے کروڑوں روپے کا مالک بن گیا ہے۔ غیر ملکی میڈیا کے مطابق سعد خان نامی پاکستانی شہری نے دبئی ڈیوٹی فری سے 2290 اور 232 سیریز کی ٹکٹیں خریدی تھیں جس سے اس کا ایک ملین ڈالرز کا انعام نکل آیا ہے۔ یہ تیسرا موقع تھا جب سعد خان نے دبئی ڈیوٹی فری میں اپنی قسمت آزمائی کی جس نے اسے مالا مال کر دیا ہے۔اس انعام کا اعلان دبئی ڈیوٹی فری کی 33ویں سالگرہ کے موقع پر کیا گیا ہے۔
تین روز تک جاری رہنے والی اس نمائش میں چیزوں کی خریداری پر 25 فیصد ڈسکاؤنٹ بھی دیا گیا تھا۔ ایک اندازے کے مطابق 18 دسمبر سے 20 دسمبر تک جاری رہنے والی دبئی ڈیوٹی فری میں 161.817 درہم کی چیزیں فروخت کرنے کا بھی ریکارڈ بنایا گیا۔

موضوعات:چھپڑ پھاڑ دولت سعد خان