اسلام آباد(مانیٹرنگ ڈیسک) پاکستان تحریک انصاف کے چیرمین عمران خان کی میڈیاسے گفتگوکرتے ہوئے زبان پھسل گئی ۔پی ٹی آئی کے سربراہ عمران خان بنی گالہ میں میڈیاسے 16دسمبرکے حوالے گفتگوکررہے تھے
اس موقع پرانہوں روایتی اندازمیں جلدی میں بولتے ہوئے کہہ دیاکہ آج آرمی پبلک سکول کے سانحہ کی دوسری ’’سالگرہ ‘‘ہے جس پران کوساتھ کھڑے رہنمائوں نے غلطی کااحساس دلایاتوعمران خان نے اس مرتبہ شرمندگی سے آنکھیں بندکرتے ہوئے کہاکہ آج آرمی پبلک سکول کے سانحہ کی دوسری ’’برسی ‘‘ہے ۔
عمران خان نے کہاکہ اس المناک سانحہ کے بعد بچوں کی قربانی کے بعد قوم ایک ہوگئی اورملک میں بڑی تبدیلی آئی ہے ،اچھے اوربرے طالبان میں بھی فرق نہیں رکھاجارہے اوردہشتگردوں کاہمیشہ کےلئے صفایاکردیاجائے گاتاہم عمران خان کی اس چھوٹی سی غلطی پرسوشل میڈیامیں ان پرسخت تنقید کی جارہی ہے ۔
