لاہور(آئی این پی) پاکستان مسلم لیگ (ن) کے کرنل(ر) مبشر جاوید بلا مقابلہ لاہور کے لارڈ میئر منتخب جبکہ ریٹر نگ آفیسر نے پاکستان تحریک انصاف کے عفیف صدیقی کے پینل کے کاغذات نامکمل ہونے پر مسترد کر دیا ۔تفصیلات کے مطابق لاہور لوکل گورنمنٹ کے آفس میں سکروٹنی کے دن ہی (ن) لیگ کے کرنل ریٹائرڈ مبشر جاوید بلا مقابلہ لارڈ میئر منتخب ہوگئے ریٹرننگ افسر محمود تمنا کی موجودگی میں پاکستان مسلم لیگ (ن) کے ہی وسیم قادر نے کرنل ریٹائرڈ مبشر جاوید کے حق میں کاغذات نامزدگی واپس لیے ہے پاکستان تحریک انصاف کے عفیف صدیقی کے پینل کے کاغذات نامکمل ہونے پر مسترد کر دےئے گئے جس کے بعد ریٹرننگ افسر محمود تمنا کی جانب سے کرنل ریٹائرڈ مبشر جاوید کو بلا مقابلہ لارڈ میئر منتخب کر لیا جس کے بعد کارکنوں کی جانب سے جشن منایا گیا اور شیر شیر کے نعرے لگائے گئے نو منتخب لارڈ میئر کرنل ریٹائرڈ مبشر جاوید نے کہا کہ وہ پارٹی قائدین مشکور ہیں پارٹی کی توقعات پر پورا اترتے ہوئے لاہور کی بھرپور خدمت کروں گا جبکہ ڈسٹرکٹ الیکشن کمشنرکا کہنا ہے کہ پندرہ دسمبر تک ابھی اعتراضات کا حق موجود ہے اپیلوں اور اعترضات کی تاریخوں کو کینسل نہیں کیا گیا۔

موضوعات:کرنل(ر) مبشر جاوید لاہور میں تنازعہ مسلم لیگ ن