اسلام آباد(مانیٹرنگ ڈیسک) عظیم سماجی کارکن عبد الستار ایدھی کی وفات کے بعد ایدھی فاؤنڈیشن کو چلانے والے فیصل ایدھی نے بزنس ٹائیکون ملک ریاض کی بڑی پیشکش کو ٹھکرا دیا۔تفصیلات کے مطابق ایک نجی ٹی وی سے گفتگو کرتے ہوئے فیصل ایدھی نے کہا ملک ریاض ہمارے لئے قابل احترام شخصیت ہیں لیکن انہو ں نے جو ہمارے فاؤنڈیشن کو 10 ایمبولنسز عطیہ دینے کا اعلان کیا تھا اسے ہم نے شکریہ کے ساتھ مسترد کر دیا ہے۔ فیصل ایدھی نے کہا کہ پاکستان کے عام شہری ہمیں چندہ دیتے ہیں اور ہمیں سرمایہ داروں کے پیسے کی ضرورت نہیں اور نہ ہی ہم آئندہ کسی سرمایہ دار سے پیسے لیں گے۔