لاہور(مانیٹرنگ ڈیسک ) گزشتہ دنوں پاکستان مسلم لیگ کی ایک ورکر سمعیہ چوہدری کی لاہور کے چمبہ گیسٹ ہائوس میں پراسرار موت کے حوالے سے صوبائی وزیر قانون رانا ثنا اللہ کا کہناہے کہ سمعیہ چوہدری کی موت زیادہ  نشہ آور اشیا لینے سے  ہوئی۔میڈ یا سے گفتگو کرتے ہوئے انہوں نے کہا کہ چنبہ ہاوس میں ملازم ایک ملازم لوگوں کے حوالے سے کمرے بک کرتا تھا ، چنبہ ہاوس کے ملازم نے سمعیہ کے لیے کمرہ بک کیا تھاجبکہ خاتون کی موت نشہ آور شے زیادہ لینے پر ہوئی ۔ان کا کہنا تھا کہ پنجاب پولیس کرائم کے بڑی واداتوں کی تحقیقات کر رہی ہے ۔
واضح رہے کہ لیگی کارکن 35 سالہ سمعیہ چوہدری چند روز قبل چنبہ ہاؤس کے ایک کمرے میں مردہ پائی گئی تھیں۔پولیس ذرائع کے مطابق جس کمرے میں سمیعہ مقیم تھی وہ چنبہ ہاؤس کے ملازم سلامت نے اپنی ضمانت پر دلوایا تھا۔گاڑی کا مالک بھی کوئی اشرف نامی شخص نکلا۔ دونوں افراد پولیس کی حراست میں ہیں جن سے تفتیش جاری ہے۔ چنبہ ہاؤس میں سمعیہ کی خدمت پر مامور ملازم زین العابدین کو بھی حراست میں لے لیا گیا ہے۔