اسلام آباد(مانیٹرنگ ڈیسک) پنجاب فوڈ اتھارٹی کی جانب سے لئے گئے خوردنی تیل کے71نمونوں میں سے 42 کومضر صحت قرار دیدیا گیا۔تفصیلات کے مطابق لاہور میں پنجاب فوڈ اتھارٹی کی جانب سے اشیائے خوردونوش کی مرحلہ وار چیکنگ کا سلسلہ جاری ہے اور اسی سلسلے میں خوردنی تیل کے 71 سیمپلز لیبارٹری ٹیسٹ کے لیے بھیجے گئے جس میں سے 42 مضر صحت قراردے دیئے گئے۔ ان برانڈز کے گھی اور کوکنگ آئل اس لیے نا موزوں ہیں کیو نکہ ان میں وٹا من اے موجود نہیں ہوتا اور مصنوعی فلیورسمیت تیزابی ویلیو اور بدبو بھی ہوتی ہے۔
خوردنی تیل میں انتہائی مہلک کیمیکلز کا استعمال کیا جا رہا ہے۔ جن کمپنیوں کے کوکنگ آئل مضرصحت قراردیئے گئے ہیں ان میں کئی نامورکمپنیاں بھی شامل ہیں۔پنجاب فوڈ اتھارٹی کی جانب سے جاری پبلک نوٹس میں کہا گیا ہے کہ شان کوکنگ آئل، شان بناسپتی ، سویا سپریم کوکنگ آئل ،تلو بناسپتی ،تلو کوکنگ آئل ،سویا سپریم بناسپتی ،کسان ویجیٹبل گھی ،سمارٹ کینولا کوکنگ آئل اور غنی کوکنگ آئل سمیت مزید آٹھ برانڈزانسانی صحت کیلئے انتہائی مضر ہیں اور عوام انہیں استعمال کرنے سے اجتناب کرے۔

موضوعات:پنجاب فوڈ اتھارٹی کوکنگ آئل