اسلام آباد ( مانیٹرنگ ڈیسک) بحریہ ٹاؤن کے سربراہ ملک ریاض نے ایدھی فاؤنڈیشن کو دس ایمبولیسنز دینے کااعلان کردیا ۔منگل کو نجی ٹی وی کے مطابق ایدھی فاؤنڈیشن کے سربراہ فیصل ایدھی کی جانب سے اپنے ایک انٹرویو میں فنڈز میں کمی سے فاؤنڈیشن کے معاملات چلانے میں مشکلات کا اظہار کرنے پر بحریہ ٹاؤن کے سربراہ ملک ریاض نے ایدھی فاؤنڈیشن کو دس ایمبولیسنز دینے کااعلان کیا۔
واضح رہےکہ ایدھی فاؤنڈیشن کے سربراہ فیصل ایدھی نے کہا تھا کہ فاؤنڈیشن کے چندے میں 25 فیصد کمی آئی ہے،صورتحال یہی رہی تو ادارے کو مشکلات کا سامنا کر نا پڑ سکتا ہے،ادارے کے لئے سڑکوں پر بھی نکلنا پڑا تو نکلیں گئے ۔وہ منگل کو نجی ٹی وی کے پروگرام میں گفتگو کر رہے تھے۔فیصل ایدھی نے کہا کہ فاؤنڈیشن کے چندے میں 25 فیصد کمی ہوئی ہے ، اس کے باوجود ادارے کی خدمات روکیں گے نہ کم ہونے دینگے ، صورتحال یہی رہی تو ادارے کو مشکلات کا سامنا کر نا پڑ سکتا ہے ، اب شخصیات کی بجائے اداروں کو سپورٹ کرنا چاہیے ۔
انہوں نے کہا کہ عبدالستار ایدھی سے لوگ بہت محبت کرتے تھے ۔ آئندہ چند دنوں میں اپنے اکاؤنٹس کو انٹرنیٹ پر بھی جاری کر دیں گے ۔ کسی بھی طریقے سے ادارے کی مدد کی جا سکتی ہے ، ادارے کے لئے سڑکوں پر بھی نکلنا پڑا تو نکلیں گئے ۔ انہوں نے کہا کہ بحریہ ٹاؤن کے سربراہ ملک ریاض نے ایدھی فاؤنڈیشن کو 10 ایمبولینسز دینے کا اعلان کیا ہے ۔