اسلام آباد(مانیٹرنگ ڈیسک) پاناما لیکس کے بارے میں مقدمے کی سماعت ہورہی ہے اور اس سماعت کیلئے آنے سے قبل پاکستان تحریک انصاف کے چیئرمین عمران خان نے پاک فوج کے سربراہ جنرل قمرجاوید باجوہ کو ٹیلی فون کیا اوراُنہیں دنیا کی بہترین فوج کی کمان سنبھالنے پر مبارکباد پیش کی ۔
پی ٹی آئی کی طرف سے جاری اعلامیہ کے مطابق عمران خان نے ٹیلی فونک رابطے میں دفاع وطن کیلئے درپیش چیلنجرز سے نمٹنے کے لیے نیک خواہشات کا اظہارکیا اور کہاکہ قوم پاک فوج کیساتھ کھڑی ہے ۔
واضح رہے کہ نئے آرمی چیف جنرل قمر جاوید باجوہ کو سابق صدر آصف علی زرداری نے بھی ٹیلی فون کرکے عہدے سنبھالنے پر مبارکباد دیتے ہوئے کہا ہے کہ بھارتی جارحیت کے خلاف پاک فوج کے شانہ بشانہ کھڑے ہیں۔تفصیلات کے مطابق منگل کو سابق صدر آصف علی زرداری نے نئے آرمی چیف جنرل قمر جاوید باجوہ کو فون کیا ۔اس موقع پر آصف علی زرداری نینئے آرمی چیف جنرل قمر جاوید باجوہ کو عہدے سنبھالنے پر مبارکباد دی ۔اس موقع پر سابق صدر آصف علی زرداری نے کہا کہ بھارتی جارحیت کے خلاف پاک فوج کے شانہ بشانہ کھڑے ہیں۔ دہشتگردوں کے خلاف آپریشن میں پیپلز پارٹی پاک فوج کے ساتھ ہے ۔

موضوعات:آرمی چیف جنرل قمر باجوہ پانامہ لیکس عمران خان