کراچی (مانیٹرنگ ڈیسک)بحریہ ٹاؤن کے چیرمین ملک ریاض حسین نے اعلان کیاہے کہ وہ کراچی میں پاکستان چوک پرمنہدم ہونے والی عمارت کے متاثرین کی امدادکریں گے ۔ایک نجی ٹی وی کے مطابق بحریہ ٹائون کے چیرمین ملک ریاض حسین نے کہاہے کہ پاکستان چوک پرمخدوش ہونے والی ایسی عمارتوں کی نشاندہی کی جائے جن کی مالیت پندرہ سے بیس لاکھ روپے تک ہے جس کی ادائیگی وہ خود کروادینگے ۔
واضح رہےکہ کراچی کے علاقے پاکستان چوک میں رہائشی عمارت زینت منزل کازینہ گرنےسے داخلی اورخارجی راستے بندہوگئے ہیں جبکہ ریسکیو ٹیموں، پولیس ا ور رینجرز کے اہلکاروں کے پہنچنے کےباوجود مکینوں نے مخدوش عمارت سے باہر آنے سے انکار کردیا ہے۔ مکینوں نے مطالبہ کیاہے کہ متعلقہ ٹھیکداران کی طرف سے دی گئی پگڑی نظام کے تحت دی گئی رقم واپس کرے تووہ یہ عمارات خالی کریں گے۔
