کراچی (مانیٹرنگ ڈیسک) کراچی کے علاقے گلشن اقبال میں نامعلوم افراد کی فائرنگ سے ڈی ایس پی جاں بحق جبکہ ایک کانسٹیبل زخمی ہوگیا۔
ایک نجی ٹی وی کے مطابق کراچی میں گلشن اقبال کے علاقے میں نامعلوم افراد کی فائرنگ سے ڈی ایس پی فیض علی شگری جاں بحق جبکہ کانسٹیبل ساجد شیخ شدی زخمی ہوگیاجبکہ ملزمان فائرنگ کے بعد فرارہوگئے ۔زخمی کانسٹیبل کوقریبی ہسپتال میں طبی امدادفراہم کی جارہی ہے ۔
پولیس نے ملزمان کی تلاش شروع کردی ہے ۔جاں بحق ہونے والے ڈی ایس پی فیض علی شگری تھانہ ائرپورٹ میں تعینات تھے ۔پولیس حکام نے اس واقعہ کی تصدیق کردی ہے ۔
پولیس کہناہے کہ ڈی ایس پی فیض احمد شگری کودہشتگردی کانشانہ بنایاگیاجبکہ جائے وقوعہ پرنائن ایم ایم کی گیارہ گولیاں ملی ہیں اوریہ ٹارگٹ کلنگ ہے ۔پولیس کاکہناہے کہ دونامعلوم افراد نے موٹرسائیکل پرسوارہوکرفائرنگ کی اورفرارہوگئے جبکہ اس واقعہ کا وزیراعلی سندھ نے نوٹس لے لیاہے ۔
