لاہور (آن لائن) پاکستان مسلم لیگ (ن ) لاہور کے نائب صدرمیاں ذوالفقارحسین راٹھور ،رمضان رضی خان اورملک عارف پرویز نے کہا ہے کہ کپتان عمران خان نے سیاست کی آڑ میں عداوت پراترآئے۔عمران خان تیسری شادی کریں ،خداراپاکستان کی مزید بربادی سے بازرہیں۔ عمران خان یادرکھیں نفاق اور نفرت کی سیاست ریاست،معیشت اورجمہوریت کیلئے زہرقاتل ہے،اگرجمہوریت کمزورہوئی توان کے ہاتھ بھی کچھ نہیں آئے گا ۔موصوف میں قوت برداشت اورسیاسی فہم وفراست کافقدان ہے۔عمران خان مسلسل ناکامیوں کی خفت مٹانے کیلئے ذاتیات پراترآئے ہیں،وہ اپنی اوراپنے ساتھیوں کی زبان کولگام دیں۔
اگرہماری زبانیں کھلیں توماضی کے پلے بوائے کے پلے کچھ نہیں رہے گا۔مسلم لیگ (ن) سے زیادہ کوئی احتساب کاحامی نہیں ہوسکتا ۔وہ تاج باغ میں ایک اجتماع سے خطاب کررہے تھے ۔میاں ذوالفقارحسین راٹھور نے مزید کہا کہ عمران خان منتخب قیادت پرانگلی اٹھانے کی بجائے خود کواحتساب کیلئے پیش کریں۔اگرعمران خان کی آف شورکمپنی جائز ہے توپھردوسروں کی ناجائز کس طرح ہوئی ۔انہوں نے کہا کہ عمران خان اپناحساب دیں اور اس کے بعدمنتخب قیادت سے تلاشی مانگیں۔
انہوں نے کہا کہ مسلم لیگ (ن) کے غیورکارکنان کو بلے بازوں کی اخلاقیات سے عاری بیان بازی اور سیاسی آوارگی پسند نہیں،ہمارے ہوتے ہوئے کوئی اناڑی پاکستان کے روشن مستقبل کوتاریک نہیں کرسکتا ۔اگرعمران خان انتشار کی سیاست سے بازنہ آیا تو ہمارے کارکنان ان کامحاسبہ کریں گے ۔ انہوں نے کہا کہ عمران خان کے آمرانہ مزاج نے تحریک انصاف کاتاریک انصاف بنادیا ۔تحریک انصاف کے سنجیدہ کارکنان بھی عمران خان کی یوٹرن سیاست سے بری طرح متنفر ہوگئے ہیں
