اسلام آباد(مانیٹرنگ ڈیسک) پاکستان پیپلز پارٹی کے مرکزی رہنماء و صدر پیپلز پارٹی پنجاب قمر الزمان کائرہ سابق آرمی چیف جنرل کیانی کی مدت ملازمت میں توسیع کو غلط فیصلہ قرار دیدیا۔ قمر الزمان کائرہ نے کہا کہ سابق آرمی چیف جنرل اشفاق پرویز کیانی کی توسیع سے جنرل کیانی اور ملک دونوں کو نقصان ہوا اور یہ ایک بڑا غلط فیصلہ تھا۔ ایک نجی ٹی وی کے پروگرام میں گفتگو کرتے ہوئے قمر الزمان کائرہ نے کہا کہ میں تسلیم کرتا ہوں ہماری حکومت میں یہ غلط فیصلہ ہوا اور یہ فیصلہ آصف زرداری نے کیا تھا۔ جنرل کیانی بہت پاپولر تھے لیکن توسیع ملنے سے ان کی ساکھ متاثر ہوئی۔ نجی ٹی وی کے مطابق قمر الزمان کائرہ نے آصف زرداری کی بات کو بالکل ہی الٹ کر کھ دیا ، آصف زرداری نے اپنے حالیہ انٹرویو میں کہا تھا کہ میں نے جنرل کیانی کی توسیع ملکی مفاد میں کی اور اس سے جمہوریت ، پارلیمنٹ اور ملک کو بڑا فائدہ ہوا تھا۔