اسلام آباد(مانیٹرنگ ڈیسک) پاکستان اس وقت دشمنوں کے گھیرے میں ہے اور اللہ پاک کی مہربانی یہ ہے کہ پاکستان کو چین دوست جیسا ملک ملا جو ہر مصیت میں پاکستان کی ہر ممکن مدد کرنے کی کوشش کرتا ہے ۔ تازہ ترین میڈیا رپورٹس کے مطابق پاکستان نے سرحد کی حفاظت کیلئے انتہائی شاندار قدم اٹھا لیاہے جس پر بھارت بھی انگاروں پر لوٹ رہا ہے ۔ تفصیلات کے مطابق بھارتی میڈیا رپورٹس نے دعویٰ کیا ہے کہ پاکستان راجستھان سے جڑی سرحد پر نگرانی کیلئے دور تک نظر رکھنے والے انتہائی موثر کیمرے نصب کر رہاہے
اور یہ کیمرے بھارتی چوکیوں کے سامنے لگائے جارہے ہیں۔بھارتی میڈیا کا کہناتھا کہ بی ایس ایف نے اس حوالے سے پاکستان رینجرز سے تحفظات کا اظہار بھی کر دیاہے۔پاکستان کی جانب سے سرحد پر 15،15فٹ اونچے پول لگائے گئے ہیں جن پر چین میں تیارکیے جانے والے کیمرے نصب کیے جائیں گے جو کہ انتہائی دو ر تک نگرانی کر سکتے ہیں بلکہ بھارتی فوجیوں کی نقل و حرکت پر بھی نظر رکھ سکتے ہیں ۔بھارتی میڈیا میں پاکستان کے اس اقدام نے ہلچل مچا دی ہے اور انہوں نے اسے غیر قانونی قرار دینا شروع کر دیاہے ،کہتے ہیں
کہ سرحد کی پانچ سو میٹر کے اندر کچھ بھی نصب کرنا غیر قانونی ہے ۔
واضح رہے کہ خطے میں بھارت کے بغیر نئی صف بندیاں ہورہی ہیں اور اس کا تازہ ترین مظہر آئندہ ماہ ماسکو میں ہونے والا پاکستان، چین اور روس کا مشترکہ اجلاس ہے۔ ایک سرکاری عہدیدار کے مطابق افغانستان سمیت دیگر معاملات پر تینوں ممالک کا اجلاس ہورہا ہے، جب کہ مخصوص علاقائی اور بین الاقوامی طاقتوں سے پاکستان، روسی اور چین تینوں کو خطرات لاحق ہیں۔ ذرائع نے ستمبر میں اقوام متحدہ کی جنرل اسمبلی کے
اجلاس میں نیویارک میں افغانستان، بھارت اور امریکا نے پہلے سہ فریقی اجلاس کی یاددہانی کراتے ہوئے کہا ہے کہ نئی پیشرفت (مجوزہ سہ ملکی ماسکو اجلاس) کو اس سے الگ کرکے نہیں دیکھاجاسکتا۔
