فیصل آباد(آئی این پی)وزیر مملکت پانی وبجلی عابد شیر علی نے کہا ہے کہ پیپلزپارٹی نے ایان علی ذریعے اربوں ڈالرز کی منی لانڈرنگ کی ،بلاول بھٹو کو قوم کی لوٹی ہوئی دولت واپس کرنا ہوگی ، عمران خان نے ثابت کر دیا کہ وہ غیر ملکی ایجنڈے پر کام کرر ہے ہیں ، ہمارا کیس سپریم کورٹ میں ہے مگر ان کا حساب عوام کریں گے ،

بابر اعوان ہوں یا حامد خان کوئی فرق نہیں پڑتا ۔اتوار کو نجی ٹی وی سے گفتگو میں عابد شیر علی نے کہا کہ بلاول بھٹو کی والدہ کا نام بھی پانامہ پیپرز میں ہے اور ایان علی کے ذریعے بھی پیپلزپارٹی نے اربوں ڈالرز کی منی لانڈرنگ کی ہے ، بلاول کو چاہیے قوم کی لوٹی ہوئی دولت واپس کرے ، پیپلزپارٹی کے سابق گورنر ایان علی کا کیس عدالت میں لڑتے پھر رہے ہیں

۔انہوں نے کہا کہ عمران خان نے ثابت کر دیا کہ وہ غیر ملکی ایجنڈے پر کام کررہے ہیں ،ہمارا کیس سپریم کورٹ میں ہے جبکہ ان کا حساب عوام کریں گے، عدالت میں ثبوت مانگے جاتے ہیں اخباری تراشے نہیں ۔عابد شیر علی نے کہا کہ پانامہ کیس میں پی ٹی آئی کا وکیل بابر اعوان ہو یا حامد خان اس سے ہمیں کوئی فرق نہیں پڑتا ۔