اتوار‬‮ ، 23 فروری‬‮ 2025 

وزیر اعظم ہاؤس کے اندر بڑی واردات ،طاہرالقادری نے خطرناک دعویٰ کردیا

datetime 6  ‬‮نومبر‬‮  2016
ہمارا واٹس ایپ چینل جوائن کریں

لاہور(این این آئی )پاکستان عوامی تحریک کے قائد ڈاکٹر طاہر القادری نے کہا ہے کہ سرل لیکس کی انکوائری ریٹائرڈ جج سے کروانا قومی سلامتی کے ساتھ سنگین مذاق اور سلامتی کے ساتھ ایک اور واردات ہے ، کلین چٹ کیلئے ریٹائرڈ جج پر مبنی حکومتی کمیشن مسترد کرتے ہیں ۔سلامتی کے ادارے نوٹس لیں ،سلامتی پر حملہ سے متعلق خبر پر 19کروڑ عوام بھی تشویش اور اشتعال میں مبتلا ہیں ۔انہوں نے کہاکہ جہاں حاضر سروس ججز کی انکوائری رپورٹس کو ہوا میں اچھال دینے کے واقعات عام ہوں ،وہاں ریٹائرڈ جج کی کیا جرات ہے کہ حکومت کی مرضی کے بر عکس کوئی فیصلہ دے اس واردات میں وزیر اعظم براہ راست ملوث ہیں

اور اسے سرد خانے میں ڈالنے کیلئے ریٹائرڈ جج پر مشتمل کمیشن بنایا جا رہا ہے ۔ڈاکٹر طاہر القادری نے کہاکہ چونکہ یہ قومی سلامتی سے متعلق ایشو ہے اس کی تحقیقات آئی ایس آئی ،ایم آئی اور آئی بی پر مشتمل ادارے کریں اور اسکی سربراہی آئی ایس آئی کے پاس ہونی چاہیے۔انہوں نے کہاکہ حیرت ہے ایک ایسے واقعہ پر ایک ماہ سے کھیل کھیلاجا رہا ہے جس کے متعلق پاکستان کی سلامتی کا سب سے بڑا ادارہ فوج اور اس کا سب سے بڑادارہ کور کمانڈرز اس پر اپنے تحفظا ت اور تشویش بارے وزیر اعظم کو آگاہ کر چکے ہیں،اس کے باوجود ایک ماہ کی تاخیر اور وزیر داخلہ کی طرف سے یہ کہنا کہ وزیر اطلاعات شامل تفتیش نہیں ہونگے قومی سلامتی کے ادارے کیلئے حکومت کا کھلا پیغام ہے کہ اس مسئلہ پر حکومت کسی بڑے عہدے دار کے خلاف کارروائی کرنا تو دور کی بات وہ اپنے کسی’ کلرک‘‘ کو بھی شامل تفتیش نہیں ہونے دے گی

۔ڈاکٹر طاہر القادری نے کہاکہ سب جانتے ہیں کہ پلانٹڈ سٹوری وزیر اعظم ہاؤس کے اندر تیار ہوئی اور وزیر اعظم ہاؤس کے اندر سے ہی وائرل کی گئی اور بیک وقت پوری دنیا میں اسکی تشہیر اور ابلاغ کا بندوبست بھی کیا گیا اس خبر کو خاص و عام تک پہنچانے کیلئے سرل المیڈا کو ای سی ایل پر بھی ڈالا گیا تاکہ شورمچے اور سلامتی کے ادارے بدنام ہوں۔یہ سب وزیر اعظم کی مرضی اورحکم کے بغیر کیسے ممکن ہے؟َ انہوں نے کہاکہ میں نے بارہا کہاکہ موجودہ حکمران سیکیورٹی رسک اور سلامتی کیلئے خطرہ ہیں ۔سرل لیکس محض اتفاق نہیں ہے اس پر نواز شریف اور اس کے اقتدار کے غیر ملکی محافظوں نے سوچ و بچار کی اگر سلامتی پر حملے کے اس واقعہ کو نظر انداز کیا گیا تو پھر قوم مزید سانحات کی تیاری کر لے۔انہوں نے کہاکہ بھارتی انجینئرز اور ٹیکنیشنز کے رمضان شوگر مل میں قیام،طعام کے ثبوت میڈیا کے ذریعے قوم اور داروں کو دئیے مگر کارروائی نہیں ہوئی جس کا نتیجہ سرل لیکس کی صورت میں سامنے آیا اب بھی اگر خاموشی اختیار کی گئی تو مزید کوئی سانحہ رونما ہو گا ۔ حکمران قومی سلامتی سے کھیل رہے ہیں ۔ سربراہ عوامی تحریک گزشتہ رات مراکش سے لندن پہنچ گئے ہیں ۔

موضوعات:



کالم



ازبکستان (مجموعی طور پر)


ازبکستان کے لوگ معاشی لحاظ سے غریب ہیں‘ کرنسی…

بخارا کا آدھا چاند

رات بارہ بجے بخارا کے آسمان پر آدھا چاند ٹنکا…

سمرقند

ازبکستان کے پاس اگر کچھ نہ ہوتا تو بھی اس کی شہرت‘…

ایک بار پھر ازبکستان میں

تاشقند سے میرا پہلا تعارف پاکستانی تاریخ کی کتابوں…

بے ایمان لوگ

جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…

تیسرے درویش کا قصہ

تیسرا درویش سیدھا ہوا‘ کھنگار کر گلا صاف کیا…

دجال آ چکا ہے

نیولی چیمبرلین (Neville Chamberlain) سرونسٹن چرچل سے قبل…