لاہور(آئی این پی)عمران کے کے جلسوں کو جوشیلے نغموں سے گرمانے والے ملک کے معروف اور نامور ڈی جے ولی سن نے کہا کہ عمران خان خواب خرگوش کے مزے لینے والی قوم کو جگارہے ہیں اور ایسے موقعہ پر ڈی جے بٹ نے نہ صرف عمران خان سے نمک حرامی کی ہے بلکہ پیسے کے لالچ میں آکر پوری قوم کو دھوکہ دیا ہے اور عمران خان پر الزامات عائد کرکے ڈی جے بٹ نے ثابت کردیا ہے کہ وہ گلو بٹ کے بھائی ہیں جو مسلم لیگ ن کی قیادت نے مشکل وقت کے لیے سنبھال رکھے ہیں مگر ہم ان گلو بٹو کے مکروہ عزائم کو کبھی بھی کامیاب نہیں ہونے دینگے کیونکہ عمران خان پاکستان کی تقدیر سے کھیلنے والوں کے خلاف اعلان جنگ کرچکے ہیں اگر پاکستان ہے تو ہم ہیں ورنہ تو ڈاکوؤں نے تو لوٹ مار کرکے ملک کی جڑیں کھوکھلی کردیں ہیں