پیر‬‮ ، 28 اپریل‬‮ 2025 

وزیراعلیٰ سے چین کی سرمایہ کار کمپنیوں کے سربراہان کی ملاقات،تین ارب ڈالر کے نئے منصوبوں کا اعلان

datetime 5  ‬‮نومبر‬‮  2016
ہمارا واٹس ایپ چینل جوائن کریں
لاہور( این این آئی )وزیراعلیٰ پنجاب محمد شہبازشریف سے یہاں چین کی سرمایہ کارکمپنیوں کے سربراہان کے وفد نے ملاقات کی اور چینی سرمایہ کاروں نے توانائی ،انفراسٹرکچر،ٹرانسپورٹ ،رئیل اسٹیٹ اوردیگر شعبوں میں3ارب ڈالر کی سرمایہ کاری کا اعلان کیا ۔چینی سرمایہ کاروں نے پنجاب میں توانائی،انفراسٹرکچر،ٹرانسپورٹ ،رئیل اسٹیٹ ،مائننگ ا وردیگر شعبوں میں سرمایہ کاری میں گہری دلچسپی کااظہارکیا۔چینی وفد کی سربراہ چائنہ ہوارنگ انٹرنیشنل ہولڈنگز لمیٹڈ کی نائب صدر چینگ یان نے اس موقع پر گفتگو کرتے ہوئے کہا کہ پاکستان خصوصاً پنجاب میں 3ارب ڈالر کے علاوہ بھی سرمایہ کاری کریں گے۔انہوں نے کہا کہ وزیراعلیٰ پنجاب محمد شہبازشریف کی ’’پنجاب سپیڈ ‘‘کا تذکرہ چین میں ہر جگہ سنا ہے اورہم اسی پنجاب سپیڈ سے متاثر ہوکر یہاں سرمایہ کاری کرنا چاہتے ہیں ۔انہوں نے کہا کہ ہم ’’پنجاب سپیڈ‘‘ کی طرح صوبے میں تیزرفتاری سے سرمایہ کاری کریں گے۔انہوں نے کہا کہ شہبازشریف نے تیزی سے منصوبے مکمل کر کے ’’شینزن سپیڈ‘‘کو بھی پیچھے چھوڑ دیا ہے ۔چینی قونصل جنرل یوبورن نے کہا کہ وزیراعلیٰ شہبازشریف کی ولولہ انگیز قیادت میں پنجاب حکومت نے سرمایہ کاروں کیلئے بہترین ماحول فراہم کیا ہے اورصوبے میں انفراسٹرکچر،ٹرانسپورٹ اورتوانائی کے منصوبے برق رفتاری سے مکمل کیے جارہے ہیں ۔انہوں نے کہا کہ میں 2برس سے لاہور میں متعین ہوں ،میں نے اپنی آنکھوں سے وزیراعلیٰ کی قیادت میں پنجاب حکومت کی تیزرفتار کامیابیاں دیکھی ہیں ۔وزیراعلیٰ محمد شہبازشریف نے اس موقع پر گفتگو کرتے ہوئے کہا کہ پاکستان اورچین کی دوستی پوری دنیا کے لئے ایک مثال بن چکی ہے اورچائنہ پاکستان اکنامک کوریڈور میں دونوں ملکوں کے معاشی تعلقات کو نئی وسعت دی ہے ۔سی پیک کے تحت پنجاب سمیت پورے پاکستان میں توانائی اوردیگر منصوبوں میں پر دن رات کام ہوہا ہے ۔انہوں نے کہا کہ لاہور اورنج لائن میٹروٹرین کا منصوبہ چین کے صدر اور وزیراعظم کا پاکستان کیلئے ایک عظیم تحفہ ہے ۔چین کے صدر کا ’’ون بلٹ ون روڈ‘‘کا ویژن خطے میں خوشحالی اورترقی کا ویژن ہے ۔انہوں نے کہا کہ سی پیک کی بدولت سرمایہ کاروں کو نئے مواقع ملے ہیں ۔ چین کے متعدد سرمایہ کار پاکستان خصوصاً پنجاب میں سرمایہ کاری کے بے پناہ مواقعوں سے فائدہ اٹھا رہے ہیں ۔وزیراعلیٰ نے چینی سرمایہ کاروں اور پنجاب حکومت کی مشترکہ کمیٹی تشکیل دینے کی ہدایت کرتے ہوئے کہا کہ یہ کمیٹی چینی سرمایہ کاروں کی سرمایہ کاری کو عملی شکل دینے کیلئے 14روز میں حتمی سفارشات پیش کرے گی۔چینی سرمایہ کار کمپنیوں کے وفد میں چائنہ ہوارنگ انٹرنیشنل ہولڈنگز لمیٹڈ کی نائب صدر چینگ یان، ہاؤ تیان ہولڈنگز لمیٹڈ کے چیئرمین یاؤ وائی منگ ، چیف ایگزیکٹو آفیسر گاؤ فالیان ، چائنہ اینوویٹو فنانس گروپ لمیٹڈ کے سی ایف او لا مین ٹاٹ ، ایگزیکٹو اسسٹنٹ کی ڈچاؤ سینئر ایڈوائزر زینگ ڈیانگ (Mr. ، شین ڈونگ انٹرنیشنل اینڈ ٹیکنیکل کارپوریشن گروپ کے جنرل مینجر سن لی، سینئر بزنس مینجر سن یی چنگ اوردیگر شامل تھے جبکہ لاہور میں چین کے قونصل جنرل یو بورن، ڈپٹی قونصل جنرل وینگ ڈیکسو اورقونصلر اتاشی زہائی ینگ لن صوبائی وزراء چوہدری محمد شفیق، ڈاکٹر عائشہ غوث پاشا،سیکرٹری توانائی ،سیکرٹری پرائمری اینڈ سیکنڈری ہیلتھ ،چیف ایگزیکٹو آفیسر پنجاب سرمایہ کاری بورڈ اور اعلی حکام بھی اس موقع پر موجود تھے۔

موضوعات:

آج کی سب سے زیادہ پڑھی جانے والی خبریں


کالم



قوم کو وژن چاہیے


بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…

ڈیتھ بیڈ

ٹام کی زندگی شان دار تھی‘ اللہ تعالیٰ نے اس کی…

اگر آپ بچیں گے تو

جیک برگ مین امریکی ریاست مشی گن سے تعلق رکھتے…

81فیصد

یہ دو تین سال پہلے کی بات ہے‘ میرے موبائل فون…

معافی اور توبہ

’’ اچھا تم بتائو اللہ تعالیٰ نے انسان کو سب سے…

یوٹیوبرز کے ہاتھوں یرغمالی پارٹی

عمران خان اور ریاست کے درمیان دوریاں ختم کرنے…

بل فائیٹنگ

مجھے ایک بار سپین میں بل فائٹنگ دیکھنے کا اتفاق…

زلزلے کیوں آتے ہیں

جولیان مینٹل امریکا کا فائیو سٹار وکیل تھا‘…

چانس

آپ مورگن فری مین کی کہانی بھی سنیے‘ یہ ہالی ووڈ…