اسلام آباد (آئی این پی) ’’ ن لیگ سخت بے چینی کا شکار ‘‘ سپریم کورٹ سے بڑی خبر آگئی,سپریم کورٹ نے قومی اسمبلی کے حلقہ 110 سیالکوٹ سے خواجہ آصف کی کامیابی کیخلاف پی ٹی آئی رہنما عثمان ڈار کی اپیل سماعت کیلئے مقرر کر دی ، چیف جسٹس انور ظہیر جمالی کی سربراہی میں تین رکنی بینچ آٹھ نومبر کو سماعت کرے گا۔ میڈیا رپورٹس کے مطابق عثمان ڈار نے حکمران جماعت کے رہنما خواجہ آصف کی کامیابی کو الیکشن ٹربیونل میں چیلنج کیا تھا تاہم ٹربیونل نے ان کی اپیل خارج کر دی، عثمان ڈار نے الیکشن ٹربیونل کے فیصلے کیخلاف سپریم کورٹ سے رجوع کر رکھا ہے۔واضح رہے کہ ان دنوں پانامہ لیکس کیس کی سماعت بھی سپریم کورٹ میں جاری ہے جس میں عمران خان نے نواز شریف اور ان کے خاندان کیخلاف درخواست دائر کی ہوئی ہے اور اب خواجہ آصف کے معاملے نے ن لیگ میں تشویش کی لہر دوڑا دی ہے ۔