اسلام آباد(مانیٹرنگ ڈیسک) وفاقی وزیر اطلاعات و نشریات مریم جہانگیر نے کہا ہے کہ جب ہم لوگ تقریر کرنے آتے ہیں تو لوگ ٹی وی ہی بند کر لیتے ہیں۔ نجی ٹی وی چینل کے آفیشل ٹویٹر اکاؤنٹ سے جاری کردہ ایک ٹویٹ کےمطابق مریم جہانگیر نے کہا ہے کہ حکومتی اور ن لیگی وزراء جب بھی تقریر کرنے کے لئے یا پریس کانفرنس کے لئے ٹی وی پر آتے ہیں تو دیکھنے والے لوگ ٹیلی ویژن ہی بند کر دیتے ہیں یا چینل تبدیل کر لیتےہیں۔
تفصیلات کےمطابق نجی ٹی وی چینل کی جانب سے ایک ٹویٹ کیا گیا ہے جس میں مریم جہانگیر کا ایک سطری بیان شائع کیا گیا ہے جس میں مریم جہانگیر نے کہا ہے کہ جب بھی ہم لوگ ٹی وی پر آتے ہیں لوگ ٹیلی ویژن بند کر لیتےہیں ۔ حکومتی وزراء کی جانب سے اس سے قبل بھی اس قسم کے شکوے کئے جا چکے ہیں مگر واضح الفاظ میں ایسا پہلی بار نئی وزیراطلاعات نے کہہ دیا ہے۔ جس کےبعد سوشل میڈیا پر ٹھیک ٹھاک بحث چھڑ گئی ہے۔
یاد رہے کہ حکومت کی جانب سے اشتہاری مہم کا سلسلہ بھی زور و شور سے جاری ہے جبکہ تحریک انصاف کے جلسے کے دوران اہم رہنماؤں کی جانب سے کی جانے والی تقاریر کے دوران بار باروہ اشتہارات چلوائے جاتے رہے مگراطلاعات کے مطابق لوگ اس موقع پر فوری طور پر چینل بدل لیتے تھے۔ واضح رہے کہ مریم جہانگیر کو چند روز قبل ہی وفاقی وزیر اطلاعات مقرر کیا گیا ہے۔ ان سےقبل یہ عہدہ پرویز رشید کے پاس تھا مگر حکومتی موقف کے مطابق قومی سلامتی سے متعلق خبر کی نجی انگریزی اخبار میں اشاعت رکوانےمیں ناکامی پر ان سے استعفیٰ طلب کیا گیا تھا اور معاملے کی تحقیقات کو شفاف اور غیر جانب دار بنانے کے لئے معاملہ ختم ہونے تک کچھ عرصے کے لئے پرویز رشید کو عہدے سے الگ کیا گیا ہے جس کے بعد وہ واپس اپنے عہدے پر بحال بھی ہو سکتےہیں۔
https://twitter.com/geonews_urdu/status/794087013662289921
