کراچی (مانیٹرنگ ڈیسک )پاکستان کی معروف صحافی سارہ منیر بھارتی ویزا نہ ملنے پر دل گرفتہ ہیں کیونکہ وہ اپنی دوست اور بھارتی صحافی پروی ٹھاکر کی شادی میں شرکت کیلئے بھارت جانا چاہتی تھیں۔ایک نجی ٹی وی کے مطابق پاکستانی صحافی سارہ منیر نے اپنے ٹویٹر پیغام میں بتایا ہے کہ بھارتی صحافی پروی ٹھاکر کی شادی میں شرکت کیلئے ان کی ویزے کی درخواست مسترد کردی گئی ہے۔ انہوں نے ویزے کی دستیابی کیلئے مدد اور دعاؤں کی اپیل کی ہے۔ ادھرسرحدپار ان کی بھارتی دوست پروی ٹھاکر نے فیس بک پر اپنے جذبات کا اظہار کرتے ہوئے امید ظاہر کی ہے کہ سارہ منیرکو ویزا دلوانے کیلئے سوشل میڈیا اور انسانی تعلقات کے ذریعے مدد کی جائے گی تاکہ وہ میری خوشیو ں میں شریک ہوسکیں ۔