اسلام آباد (این این آئی)راولپنڈی میں 28اکتوبر میں پولیس سے چھپ کر موٹر سائیکل پر آنے والے عوامی مسلم لیگ کے سربراہ شیخ رشید احمد نے منگل کو پولیس اہلکاروں کے ساتھ سیلفیاں بنوائیں۔
منگل کو عوامی مسلم لیگ کے سربراہ شیخ رشید احمد پاکستان تحریک انصاف کے سربراہ عمران خان سے ملنے کیلئے بنی گالا آئے تاہم پولیس نے شیخ رشید احمد کو جانے دیا ملاقا ت کے بعد واپسی پر شیخ رشید نے پولیس والوں کے ساتھ سیلفیاں بنوائیں۔ انھوں نے پولیس والوں کو چٹکلا چھوڑتے ہوئے کہاکہ ڈنڈے ٹانگوں پر مارنا اس موقع پر پولیس والوں کے چہروں پر خوشی دیدنی تھی۔ شیخ رشید کے ساتھ پولیس والوں نے بھی جی بھرکر تصاویر بنوائیں۔
