اسلام آباد (مانیٹرنگ ڈیسک)تحریک انصاف کے سربراہ عمران خا ن نے کہاہے کہ پرویز رشید بچے نہیں جو بغیر دیکھے اسٹوری آگے بھیج دی، پاک فوج سے متعلق خبر باقاعدہ فیڈ کی گئی، ذمہ داروں سے متعلق تفتیش کی جائے، خبر کے پیچھے شاہی خاندان تو نہیں؟ یہ خبر مودی سرکار اور ملک دشمنوں کا مؤقف تھا، مشرف کی آمریت موجودہ جمہوریت سے بہتر تھی، نواز شریف نے استعفیٰ دیا تو ہمارا احتجاج جشن بن جائے گا۔عمران خا ن نے کہاکہ ہمارے بارے میں انتشار پھیلانے کا تاثر درست نہیں۔انہوں نے کہاچوہدری نثارکی پریس کانفرنس کے بعد توڈان نیوزپرلگنے والی سٹوری پرمزید تحقیقات کرنی چاہیں ۔انہوں نے کہاکہ اس کے پیچھے پاکستان کے شاہی خاندان ہوسکتاہے اوریہ سٹوی بھارت کے حق میں تھی ۔پاکستانی شاہی خاندان اورپاکستان کے مفادات الگ الگ ہیں ۔انہوں نے کہاکہ ڈان نیوزمیں سٹوری فیڈکی گئی ہے ۔

موضوعات:تحریک انصاف