لاہور(آئی این پی)سابق وزیر خارجہ سردار آصف احمد علی نے کہا ہے کہ ملک میں سسٹم کو بچانے کیلئے نوازشر یف کو اپنے عہدہ کی قر بانی دینا ہی پڑ یگی ‘2نومبر کے بعد (ن) لیگ کی حکومت اور نوازشر یف میں سے کسی کو ایک جانا ہوگا ‘شہبا زشر یف بن سکتے ہیں مگر چوہدری نثار علی خان بھی مضبوط امیدوار ہیں۔ ہفتے کے روز لاہور میں میڈیا سے گفتگو میں سردار آصف احمد علی نے کہا کہ کوئی اس بات کو تسلیم کریں نہ کر یں اس بات میں کوئی شک نہیں کہ اسٹیبلشمنٹ یہ فیصلہ کر چکی ہے کہ نوازشر یف اس ملک میں مزید وزیر اعظم کے عہدے پر نہیں رہیں گے اور2نومبر کے بعد اس حوالے سے تمام صورتحال قوم کے سامنے آجائیگی ۔ انہوں نے کہا کہ (ن) لیگ تحر یک انصاف کے کارکنوں پر تشدد اور گر فتاریاں کر کے ماحول کو مزید خراب کر رہی ہے انکو جوش کی بجائے ہوش سے کام لینا ہوگا اور اگر نوازشر یف ملک میں جمہو ریت او ر سسٹم کی مضبوطی چاہتے ہیں تو انکے اپنے عہدے کی قر بانی دینا ہی پڑیگی ورنہ وہ اپنے اور ملک کیلئے آنیوالے دنوں میں آسانیاں نہیں مشکلات ہی پیدا کر یں گے ۔

موضوعات:وزیراعظم نوازشریف