اسلام آباد (این این آئی) پاکستان تحریک انصاف کے رہنماء شاہ محمود قریشی نے کہا ہے کہ دونومبر کو ہمارے لوگ اسلام آباد آئیں گے ٗہمارے لاک ڈاؤن سے پہلے حکومت نے لاک ڈاؤن کردیا ہے۔میڈیا سے گفتگو کرتے ہوئے پاکستان تحریک انصاف کے رہنماء شاہ محمود قریشی نے کہا کہ حکومت ہمارے کارکنوں کو رہا کردے،کنٹینر ہٹادے،

ہمارے کارکنوں کو راستہ دیں تو میں رانا ثناء اللہ کی پرپوزل کور کمیٹی کے سامنے رکھنے کو تیار ہوں،ہمارے کارکنوں اور منتخب نمائندوں پر لاٹی چارج ہوگا تو کیا ہماری طرف سے پھول پیش کیے رجائیں گے،خراب حالات کی ذمہ دار حکومت ہے۔انہوں نے کہا کہ صوبائی وزیر قانون ہمارے تمام کارکنوں ،خواتین کو رہا کرنے کا اعلان کریں،ہمارے لاک ڈاؤن سے پہلے حکومت نے لاک ڈاؤن کردیا ہے۔انہوں نے کہا کہ جو حکومت نے کیا ہے جمہوریت میں ایسا نہیں ہوتا ہے،حکومت چاہے تو مسائل حل ہوسکتے ہیں،حکومت کی کسی بات پر یقین نہیں ہے ٗ دونومبر کو ہمارے لوگ اسلام آباد آئیں گے ٗاجتماع ہوگا ٗہمارے لوگ پرامن رہیں گے،حکومت لاک ڈاؤن کی پالیسی پر عمل پیرا ہے۔