اسلام آباد (مانیٹرنگ ڈیسک )راولپنڈی پولیس نے تحریک انصاف کے رکن صوبائی اسمبلی اعجاز خان جازی کو گرفتار کر لیا۔جمعہ کو راولپنڈی میں دفعہ 144کے نافذ کے بعد عوامی مسلم لیگ کے جلسے کو ناکام بنانے کیلئے راولپنڈی انتظامیہ نے پی پی آئی اور عوامی مسلم لیگ کے کئی کارکنوں کو گرفتار کرلیا اطلاعات کے مطابق پولیس نے کمیٹی چوک سے پاکستان تحریک انصاف کے رکن صوبائی اسمبلی اعجاز خان جازی کو گرفتار کرلیا ہے ٗاس موقع پر پولیس اور پی ٹی آئی کارکنان کے درمیان ہاتھا پائی بھی ہوئی ، کارکنان کی جانب سے گو نواز گو کے نعرے لگائے ۔ یاد رہے کہ اس سے قبل شیخ رشید کے ڈرائیور اور سیکیورٹی اسٹاف کو گرفتار لیا گیا تھا ، اس موقع پر شیخ رشید احمد کا کہنا تھاکہ میرے سیکیورٹی اسٹاف اور ڈرائیور کو گرفتار کر لیا گیا ہےاور میری گاڑی کو بھی پولیس نے اپنی تحویل میں لے لیا ہے ۔حکومت یہ سب کر کے مجھے میرے مقصد سے پیچھے نہیں ہٹا سکتی، اس سے جس کام کی امید تھی وہ اس نے کرنا شروع کر دیا ہے ، کچھ بھی ہو جائے آ ج کا جلسہ 2بجے اپنے ٹائم پر ہی ہو گا ۔